XIII Alcuentros de Músiques Asturianes - Picarós

Picarós ye un tríu instrumental que, partiendo de la música de tradición asturiana y atlántica, crea’l so propiu repertoriu 100% orixinal. La so música distínguese  pol  soníu empastao y cuidao, que combina la épica y emotividá de la música celta más clásica colos ritmos vibrantes y bailladeros de jigs, xotes, reels o muñeires. La so puesta n'escena invita  a descubrir otres formes de sentir y disfrutar los nuestros raigaños. Una propuesta abierta pa toles xeneraciones y gustos musicales, mesmo amigos de la música tradicional como quien aprecien una mayor esperimentación sonora.

En 2024 publiquen el so primer discu, “Son d'Ermu”, que los llanza  direutamente a la final del prestixosu Festival Internacional del Mundu Celta d’Ortigueira en 2024,  En 2025, “Son d'Ermu” recibe una nominación a meyor discu de música folk d'Asturies nos premios AMAS.

Formación
Iván de Trubia: gaita/whistle
Daniel de la Nava: guitarra
Chus Fernández: bodrán