Miércoles, 28 de Mayo de 2025
| 19.30h
FREE
| Entrada libre hasta completar aforo
Anabel Santiago desembarca otra vuelta en Xixón en conciertu acompañada de la so banda habitual y tamién la collaboración especial del grupu de pandereteres Compañeras.
Nesti alcuentru musical íntimu y cercanu l'artista fai un repás pela música tradicional revisitada y versionada con estilos estremaos de cantares asturianos, gallegos y ibéricos. Dientro del repertoriu alcontramos cantares propios y tamién versiones d'artistes almiraos pola cantante como son Luis Eduardo Aute o Joaquín Díaz. El mestizaxe musical d'Anabel Santiago ye una constante nesti espectáculu que ye quien a modernizar y averar al gran públicu los soníos tradicionales y elevalos a una categoría universal.
Como novedá Anabel va incluyir nel setlist del conciertu del Antiguu Institutu cantares del so proyeutu musical nuevu que va ver la lluz na seronda del 2025.
Músicos:
Anabel Santiago: voz
Andy da silva: guitarres
Guille Barrear: batería y percusiones
Luis Pola: teclaos y coros
Collaboración especial de Pandereteres Compañeras.
