Viernes, 24 de Noviembre de 2023
| 19.00h
FREE
Conxuntu de recitales poéticos que se va celebrar n’Uviéu a lo llargo de la seronda de 2023. Esta serie d’eventos va axuntar los versos de poetes asturianos y asturianes colos de xente bien relevante de la lliteratura d’otres zones, como Galicia, País Vascu y Madrid.
L’oxetivu principal del ciclu QED ye promocionar y dar voz a los poetes en llingua asturiana y gallegu asturianu fuera d’Asturies y trayer dellos referentes qu’escriben n’otres llingües como exemplu de lo que se ta faciendo actualmente n’otres árees d’Europa. Amás el QED nació col enclín de ser un puntu d’encuentru pa les diferentes xeneraciones y estilos de poetes asturianos, buscando siempre la calidá y la visión de futuru lliterariu.
Nel mes de payares va ser el turnu de la nueva poeta asturiana Patricia Suárez, el poeta y matrón Sergio G. Camblor y una de les máximes esponentes de la poesía gallega contemporánea, Chus Pato.
