Jue, 14 de Abril
➜ Dom, 17 de Abril de 2022
J 13-21h, V y S 12-21h, D 12-18h
7.00€
La Primer Sidre l’Añu -PSLA-, qu’esti añu fai la so decimu segunda edición, torna con más ganes que nunca. La PSLA foi una de les grandes artífices de que la reconocencia de la cultura sidrera asturiana como Padremuñu Cultural Inmaterial pola UNESCO, tea daqué más prósima.
Miles de presones tornarán axuntase alrodiu la bébora tradicional asturiana, gracies a la cellebración de un eventu bien familiar y perenraigonáu na ciudá, nel que cultura, ociu, tradición y gastronomía van de la man. Una gran oportunidá p’averase al mundiu la sidre.
La Primer Sidre L’Añu ye la mayor espicha d’Asturies, un tiempu y un espaciu nel qu’esfrutar cola familia, colos collacios... de la bona sidre y del meyor ambiente.
Ensin prieses nin apuros, xugar, baillar, canciar, tomar unos culinos, y forrar bien, que la folixa pide tener el banduyu bien servíu.
El vienres (16h) van intervenir los alunos de la escuela de Música Tradicional La Quintana al cargu d’Ismael Tomás, cola intervención de los neños/es Noemi Alonso, Luis Castiellu , Natalia Martinez y Manuel Valle, acompangaes a la gaita por Belén Arboleya.
